Sari Sadiyon Pe Jo Bhari Hai Woh Lamha Milta naat lyrics Roman Urdu me yahan pesh ki ja rahi hai.
Yeh dil ko chhoo lene wali naat ishq-e-Rasool ﷺ aur roohani lamhon ka bayaan karti hai.
Mehfil-e-naat aur durood ki majalis me is naat ko khas pasand kiya jata hai.
Sari sadiyon pe jo bhari hai woh lamha milta
Kash Sarkar-e-Dua Alam ka zamana milta
Aapko dekhta Makkah se main hijrat karta
Aap ka naqsh-e-qadam, aap ka rasta milta
Aap ko dekhta Ta'if mein duayen dete
Yun mere sabr o tahammul ko saleeqa milta
Aap ke samne rakh deta main sab kuch la kar
Nusrat-e-deen ke liye jab bhi ishara milta
Apna ghar-baar luta deta to uske badle
Hubb-e-Sarkar-e-Madina ka khazana milta
Aap ke piche khade ho ke namaz-e-padh'ta
Aap ke qadmon ke piche mujhe sajda milta
Bhool jaata main kisi taaq mein rakh kar aankhein
Aap ko dekhte rehne ka bahaana milta
Aap ki tarah bithata main use shanon par
Raah mein aap ka jab koi nawasa milta
Hashr tak meri ghulami yunhi khayam rehti
Meri har nasl ko faqri yehi wirsa milta
No comments:
Post a Comment