Mushkil Kusha Ali Hai, Hajat Rawa Ali Hai
Sher e Khuda Ali Hai, Murshid Mera Ali Hai
Koi Kisi Ka Talib, Koi Kisi Pe Aashiq
Per Main Toh Haydari Hoon, Mehwar Mera Ali Hai
Ka’be Me Hai Wiladat, Masjid Me Hai Shahadat
Kya Dilnasheen Ali Hai Kya Dilruba Ali Hai
Sab Ko Talab Hai Unki, Sab pe Karam Hai Unka
Maula Mera Ali Hai, Maula Tera Ali Hai
Jab Ya Ali Pukaren, Banti Hai Baat Bigdi
Hoti Nahi Kabhi Radd, Aysi Dua Ali Hai
Bimari e Badan Ho, Ya Rog Ruh Ka Ho
Sab Ka Tabeeb Haydar, Sab Ki Shifa Ali Hai
Siddique Hon, Umar Hon, Ya Hon Janaab e Usman
Har Masle Me Tino Ka Hamnawa Ali Hai
Humko Nahi Zarurat, Gairon Ke Aasre Ki
Shukr Khuda Hamara Ek Aasra Ali Hai
Thokar Lage Hame Kyon, Hum Kaise Raah Bhulein,
Jab Hum Musafiron Ka, Khud Rahnuma Ali Hai
Baab e Dayar e Hiqmat Ka Kya Likhun Qaseedah
Faizan Meri Shochon se Mawra Ali Hai
13 Rajab ul Murajjab, Wiladat e Ameer ul Mo’mineen Syedna Hazrat Ali Karam Allahu Wajha ul Kareem Bahot Bahot Mubarak Ho
No comments:
Post a Comment