Be Nawaon Ki Nawa Sunta Hai,
Iltija Sab Ki Khuda Sunta Hai.
Hum Ke Bande Hain Sana Karte Hain,
Woh Ke Khaliq Hai Sada Sunta Hai.
Main Banda-e-Aasi Hoon, Khata Kaar Hoon Maula,
Lekin Teri Rahmat Ka Talabgaar Hoon Maula.
Main Banda-e-Aasi Hoon, Khata Kaar Hoon Maula.
Wabasta Hai Umeed Meri Tere Karam Se,
Tera Hoon, Faqat Tera Parastar Hoon Maula.
Main Banda-e-Aasi Hoon, Khata Kaar Hoon Maula.
Phir Tu Mere Emaan Ko Tawanai Ata Kar,
Barson Nahi, Sadiyon Se Main Bimaar Hoon Maula.
Main Banda-e-Aasi Hoon, Khata Kaar Hoon Maula.
Bahar Ke Ujale Mujhe Kya Raah Sujhaye,
Andar Ke Andheron Mein Griftaar Hoon Maula.
Main Banda-e-Aasi Hoon, Khata Kaar Hoon Maula.
Jin Se Main Guzar Jaun, Woh Dar Khol De Mujh Mein,
Khud Apne Hi Raste Ki Main Deewar Hoon Maula.
Main Banda-e-Aasi Hoon, Khata Kaar Hoon Maula.
Ek Tera Ishara Ho Aur Aasaan Ho Mushkil,
Ek Lehar Uthe Aur Main Us Paar Hoon Maula.
Main Banda-e-Aasi Hoon, Khata Kaar Hoon Maula.
No comments:
Post a Comment