Shahe Do Aalam Salaam Assalaam naat lyrics Roman Urdu me yahan pesh ki ja rahi hai.
Yeh naat Sarkar ﷺ ki rehmat, shafqat aur garibon se muhabbat ka paighaam deti hai.
Is naat ko mehfil-e-naat aur durood ki majalis me aksar padha jata hai.
Shahe Do Aalam Salaam Assalaam
Garibon Ke Hamdam Salaam Assalaam
Rab Ne Bade Pyar Se Me’araaj Me Kaha
Rehne Do Naaleyn Ko Aa Jaao Mustufa
Qadam E Muhammad Ka Liya Arsh Ne Bosa
Jhum Uthe Saare Malaaik Va Marhaba
Mange Jo Nabi, Rab Ne Woh Diya
Rab Ne Jo Diya, Nabi Ne Woh Liya
Jhuka Arsh E Aazam Salaam Assalam
Shahe Do Aalam Salaam Assalaam
Garibon Ke Hamdam Salaam Assalaam
Aap Ne Jo Kar Diya Ungali Ka Ishaara
Chaand Do Tukde Huva Qurbaan Ho Gaya
Jab Namaaz E Asar Ali Ki Huyi Qaza
Aap Ne Suraj Ko Dubara Palat Diya
Aap Jo Kiye, Mo’ajize Bane
Aap Jab Chale, Do Jahaan Jhuke
Mera Sar Bhi Hai Kham Salaam Assalam
Karo Door Har Gham Salaam Assalam
Har Aankhe Ho Purnam Salaam Assalam
Shahe Do Aalam Salaam Assalaam
Garibon Ke Hamdam Salaam Assalaam
Ya Nabi! Ab Hind Me Mushkil Huaa Jeena
Nazre Karam Se Hame Bulwaalo Madina
Paas Hamaare Na Koi Maal Va Zar Hai
Hamse Badi Door Madine Ka Safar Hai
Der Naa Karo, Jaldi Bulaalo
Dar Pe Bulaa Kar Gham Se Chhuda Lo
Nikal Jaaye Na Dam Salaam Assalaam
Shahe Do Aalam Salaam Assalaam
Garibon Ke Hamdam Salaam Assalaam
Ya Nabi! Ab Hashr Me Ummat Ko Bachaana
Aasiyon Ko Noori Chaadar Me Chhupaana
Zindagi Hamari Gunahon Me Kati Hai
Ya Nabi! Bakhsish Pe Nazar Sab Ki Lagi Hai
Shaahe Abmiya! Dena Sahaara
Noore Qibriya! Sun Lo Ye Sadaa
Karam Jaane Aalam Salaam Assalaam
Shahe Do Aalam Salaam Assalaam
Garibon Ke Hamdam Salaam Assalaam
No comments:
Post a Comment