Tu Nishan-e-Benishan Hai Tu Bahar-e-Sarmadi Hai Naat Lyrics | Lab Pe Naat

Tu Nishan-e-Benishan Hai Tu Bahar-e-Sarmadi Hai naat lyrics yahan pesh ki ja rahi hai.

Yeh roohani aur fikr-afroz naat Allah Ta’ala ki azmat, bandagi aur ishq-e-ilahi ka

gehra paighaam bayaan karti hai.

Tu nishan-e-benishan hai
Tu bahar-e-sarmadi hai
Tera dekhna ibaadat
Teri yaad bandagi hai

---

Aankhon ko noor, dil ko mukammal khushi mili
Tum mil gaye to mujh ko nayi zindagi mili

Sab kuch Khuda se maang liya tujh ko maang ke
Uthte nahi hain haath mere is dua ke baad

Ahle-talab hain dair-o-haram ke firaq mein
Main khushnaseeb hoon, mujhe teri gali mili

Saqi teri nigaah-e-karam ko main kya kahoon
Ahle-khirad ko hosh, mujhe bekhudi mili

Uske junoon-e-shauq pe dono jahaan nisaar
Jisko teri nigaah se deewanagi mili

Usko mili hai ishq mein meraj-e-bandagi
Sajdon ke waaste jise chaukhat teri mili

Aye husn-e-yaar! jab se lagi meri tujh se lau
Har anjuman mein mujh ko teri roshni mili