Akse Roo-e-Mustafa se Aesi Zaibaee mili
Khil utha Range Chaman Phoolon ko Ranaee mili
Behre Ishke Mustafa ka Majra ho kya bayan
Lutf aaya dubne ka jitni gehraee mili
Jis taraf utthi Nigahein Mehfile Kaunain mein
Rehmatallil-Aalamin ki Jalwa Farmaee mili
Allah Allah ye Nigahein Mustafa ka Mo'jaza
Sang-Reze bol utthe Unko goyaee mili
Chadare Zahra ka saya hai Mere Sar par naseer
Faize Nisbat dekhiye Nisbat bhi Zohraee mili
No comments:
Post a Comment