Naimatein baanta jis samt voh zishan gya Tazmeen lyrics

nimatein baanta jis samt voh zishan gya Tazmeen lyrics

Yeh voh sach hai ke jisse aik jahan maan gya

dar pe aaya jo gadaa ban ke voh sultaan gya

uske andaz e nawazish pe mein qurban gya

nimatein baanta jis samt voh zishan gya

saath hi munshi e rahmat ka kalamdaan gya

tujh se jo phair ke munh jaanib e quran gya

surkh roo ho ke na duniya se voh insaan gya

kitne gustaakh bane, kitno ka imaan gya

le khabar jald ke auron ki taraf dhiyaan gya

mere mawla, mere aaqa tere qurbaan gya

mahv e nazzaara, sar e gumbad e hazra hi rahi

door se sajdahguzaar e sar e waala hi rahi

ru ba ru paake bhi mahroom e tamasha hi rahi

aah voh aankh ke naakaam e tammana hi rahi

Haaye voh dil jo tere dar se pur armaan gya

teri chaahat ka amal zeest ka manshur raha

teri dehleez ka phaira mera dastoor raha

yeh alag baat ke toor aankh se mastoor raha

dil hai who dil jo teri yaad se m`amoor raha

sar hai woh jo tere qadmon pe qurbaan gya

dosti se mujhe matlab na mujhe baiR se kaam

unke sadqday mein kissi se na para khair se kaam

unka shayda hoon mujhe kya haram o dair se kaam

unhein maana, unhein jaana na rakha ghair se kaam

lillahil hamd ke duniya se musulmaan gya

ihtiraam e nabvi daakhil e aadat na sahi

shir e maadar mein aseelon ka najabat na sahih

ghar mein aadab e risaalat ki riwaayat na sahih

aur tum par mere mawlaa ki inaayat na sahih

najdiyon kalima parhane ka bhi ihsaan gya?

baam e maqsad pe tamanaon kay zeenay paunchay

lab e saahil pe Naseer unkay safinay paunchay

jinko khidmat mein bulaaya tha nabi ne paunchay

jan o dil hosh o khirad sab tau madinay paunchay

tum nahin chalte Raza saara to saamaan gya

Unki mehak ne dil ke Gunche khila diye hai Tazmeen lyrics

Judo sakhaa ke moti harsu loota diye hai

Chamka diye hai muqaddar kismaat jaga diye hai

Ujade hue gulistan akar saja diye hai

Unki Mahak Ne Dil Ki Gunche Khila Diye Hai

Jis Raah Chal Diye Kunche Basa Diye Hai.

Aur jannat kisine mangi jalwa kisine mangaa

Daulat kisine mangi rutba kisne mangaa

Badkar hi usse paya jitna kisine mangaa

Mere kareem se gar katra kisne mangaa

Dariya baha diye hai durbe baha diye hai

Dozak me ummati ka jab koi fard hogaa

Toh mere mustafa ke pehlu me dard hogaa

Ankhon me ashnk hoge chehera bhi zard hogaa

Allah kya jahanum abhi na sard hogaa.

Roro ke mustafa ne dariya baha diye hai

Unki ada e ulfat dil me basa ke rahko

Ummid ki dagar pe palkon ko bhi sajdo

Mushkil kushaa aqaa kuch kaam sabr se lo

Unke Nisar Koi Kaisi Hi Ranj May Ho

Jab Yaad Aa Gaye Hai Sab Gam Bhoola Diye Hai.

Zaad ki bahwar me hum mana ki sari janib

Haalka naa humko samjo nisabat hai bhari janib

Tufaan baad raha hai aqaa humare janib

Aane Do Ya Doobo Do Abb TO Tumhari Jaanib

Kasti Tumhi Pe Chhodi Lanagr Ootha Diye Hai.

Haaton me unke aya sheroadab ka parcham

Ashar unke ghalib Iqbal se nahi kaam

Aur gairon ne bhi yeh mana kehte nahi bas hum

Mulkhe sukaan ki shahi tumko raza muslam

Jis simt agaye ho shikka bhitaa diye hai..

Aasma gar tere talwoon ka nazara karta

Aasma gar tere talwoon ka nazara karta

roz ek chand tasaddukh me utara karta

Chup gaya chand na ayi tere didar ki ta

or agar samne rehta to bhi sajda karta

Aah kya khub tha gar hazir e tar hota mai

unke saye ke tale chain se soya karta

Aank uthti to mai jhunjh lake palak si leta

dil bigad ta to mai ghabra ke sambhala karta

Kabhi khud apne taghaiyyur pe mai hairan hota

kabhi khud apne samajh ne ko na-samjha karta

 

Kabhi kehta ke ye kya bazm hai kaisi hai bahar

kabhi andaz e tajahul se mai taoba karta

 

Maut us din ko jo phir naam watan ka leta

khaak us sir pe jo is dar se kanara karta

Be khuda na kabhi sajde me sue-dar girta

janib e khibla kabhi chonk ke palta karta

Ye maze khoobi ye khismat se jo paye hote

sab se diwana tha gar khuld ki parwah karta

 

Aye hasan khasd e madina nahi rona hai yahi

or mai aap se kis baat ka shikwa karta

Lutf Unka Aam Ho Hi Jayega lyrics

Lutf Unka Aam Ho Hi Jayega

Shaad Har Nakaam Ho Hi Jayega

Jaan De Do Wa'ada E Deedar Par

Naqd Apna Daam Ho Hi Jayega

Shaad Hai Firdous Yani Ek Din

Qismat E Khuddam Ho Hi Jayega

Yaad Reh Jayengi Ye Be-Baakiya

Nafs Tu To Raam Ho Hi Jayega

Be Nishano Ka Nishaan Mit-ta Nahi

Mit-te Mit-te Naam Ho Hi Jayega

Yaad E Ghesu Zikr E Haq Aah Kar

Dil Me Paida Laam Ho Hi Jayega

Ek Din Aawaz Badlenge Ye Saaz

Chah-Chaha Kohram Ho Hi Jayega

Sailo Daaman Sakhee Ka Thaam Lo

Kuch Na Kuch In'aam Ho Hi Jayega

Yaad E Aabru Karke Tadpe Bulbulo

Tukde Tukde Daam Ho Hi Jayega

Mufliso Unki Gali Me Jaa Pado

Baagh E Khuld ikraam Ho Hi Jayega

Gar Yuhi Rehmat Ki Taawile Rahi

Madh(a) Har Ilzaam Ho Hi Jayega

Baada Khwari Ka Samaa Bandhne To Do

Shaikh Durd-Aasham Ho Hi Jayega

Gham To Unko Bhulkar Lipta Hai Yu(n)

Jaise Apna Kaam Ho Hi Jayega

Mit Ki Gar Yuhi Raha Karz E Hayaat

Jaan Ka Nilaam Ho Hi Jayega

Aaqilo Un Ki Nazar Seedhi Rahe

Borwo Ka Bhi Kaam Ho Hi Jayega

Ab To Layi Hai Shafa'at Afw Par

Badhte Badhte Aam Ho Hi Jayega

Ay Raza Har Kaam Ka Ik Waqt Hai

Dil Ko Bhi Aaram Ho Hi Jayega

#naat

#naatshareef #naatepak #naatlyrics #islam #madina #yarasoolallahﷺ #Islam #Sunni #mohammad (pbuh)

koi gul baaki rahegaa na chaman reh jayega lyrics

Koi Gul Baaki Rahega Na Chaman Reh Jayega,

Par Rasool Allah Ka Deen E Hasan Reh Jayega.

Hum Safeero Baag Me Hai Koi Dam Ka Chehchaha,

Bulbul E Ud Jayegi Soona Chaman Reh Jayega.

Atlas O Kamkhawab Ki Poshaak Par Nazaa Na Ho Tum,

Is Tan E Be-Jaan Per Khaqi Kafan Reh Jayega.

Naam E Shahan E Jahaan Mit Jayega Lekin Yaha,

Hashr Tak Naam O Nishaan E Panjtan Reh Jayega.

Jo Parhega Saahib E Loulaak Ke Upar Darood,

Aag Se Mehfuz Us Ka Tan Badan Reh Jayega.

Sab Fanaa Ho Jaye Ga Kafi, Walekin Hashr Tak

Naat E Hazrat Ka Zubano Per Sukhan Reh Jayega.

Nabi ka naam jab mere labon par raqs karta hai Lyrics

Nabi ka naam jab mere labon par raqs karta hai

Lahu bhi meri shiryano ke andar raqs karta hai

Meri bechain aankhon mein wo jab tashreef laate hain

Tasawwur unke daaman se lipat kar raqs karta hai

Wo sahraaon mein bhi paani pila dete hain pyaason ko

Ki unki ungliyon mein bhi samandar raqs karta hai

Padey hain naqsh-e-paa-e-Mustafa ke haar gardan mein

Jabhi toh rooh lahraati hai paikar raqs karta hai

Khayal aata hai jab bhi garmi-e-roz-e-qayamat ka

Gham-e-isyan sar-e-dariya-e-kausar raqs karta hai

Zameen-o-aasman bhi apne qaabu mein nahin rahte

Tadap kar jab Muhammad ka qalandar raqs karta hai

Lagi hai bheed uske gird ye kaisi farishton ki

Ye kiska naam le le kar 'Muzaffar' raqs karta hai.

written by Janab Muzaffar Warsi sahab

Listen to Nabi ka naam jab mere labon par raqs karta hai by naatepak on #SoundCloud

https://soundcloud.app.goo.gl/93MZw